21.卑劣街頭 (第10/10页)

地刨馬經爭論不休。

    叵測江湖水深易溺，勤懇度命長夜難明，鹹魚翻身的捷徑，全寄托在馬場馬駒四條腿碾軋的綠茵場。

    「喂，醒住一叉水嚟先，今次我睇好三隻大熱，落重注買3T實無死。」

    「仆你個街，毛都無條呀而家，你正神燈嚟，買乜輸乜，啱先聽你話買鬼紅運醒神膽5拖7，跛腳又生瘡，我連底褲都輸埋呀，不如直接倒落海，起碼仲可以望住D錢飄下飄下。」

    「有得發達嘅機會你唔要，萬事通畀我嘅貼士，直情堅料啊！」

    「係堅料又唔見佢貼得中勝利雄風爆99倍大冷？你個腦裝屎？流料當寶。」

    「哎呀，總之今場落注買原居民贏面最大。」

    「係啊，好大。」大佬神不知鬼不覺驚現身後，嚇得兩靚kent站起腳滑險些落水。

    「青哥。」

    「青哥，嘿嘿，你都覺得呢隻大熱啊？」

    朗青點指比達手裡「太陽馬經」報刊登的女騎師鍾麗芳特寫：「我係話呢個女仔，對波好大啊...做嘢就懶到出汁，老竇老母D棺材本都拎嚟賭，抵你兩個窮到燶。」

    「青哥你鬧得啱，我哋一定...」

    「好啦，咪咿咿哦哦，上船食飯。」

    細靚油嘴滑舌不是一天兩天，異想天開不勞而獲也得先食飽肚皮。

    「青哥！！青哥！」

    娘炳碎步急奔，來到朗青面前已上氣不接下氣，八漿打不出個屁。跟大佬那麼久，難為他仍保持一貫扭捏膽虛，驚弓之鳥般大小事嗌一頓的怯性。

    雷龍的祖墳福位怎麼就被他掘了…

    「你無嘢吖嘛？」

    「哈...哈...有，有...」

    有了半天沒下文，朗青以為有鬼。順着他眼着的方位，安全工業大廈對面，一高一矮沿岸緩緩接近。

    晚風的確不可預測，擦拭碎鏡塵霧，拼湊清晰臉龐，帶來故人。

    是她，不是去年的她。

    油塘地，亮到萬籟俱寂，龍羽似暗影行者，黑得紛繁絢爛。

    這次，她大方平靜壓下羞澀，釉彩瞳光正面擲入了朗青眸底。

    「龍小姐...」

    「...青哥。」

    ——————————————————————

    東南中學：據考林嶺東《學校風雲》地點，應是位於九龍城區距離原啟德不遠的太子道，學校現實名稱是「孔仲岐紀念中學」，早已停辦，現今為「太子匯」。