23.失落堡壘 (第2/11页)

。

    「就你一個？」

    掌縫間玻璃片靈活翻轉，邊緣擦碰指虎停下，氣聲淡漠：「一隻公砌低你九七友，綽綽有餘。」

    立花輕飄失笑，默念「趣緻」，除火柴鬼王等，未領教她不凡鬥技的麾下大底髮指眦裂，名不見經傳弱質女流，莫不是Fing頭揩冰free過度，借癮亂舞撒癲？

    一頓鄙俚喝罵，聒躁得太子膛火沸騰：「冚唪唥同我收聲！」

    「烏鴉搞風搞雨啲手段仲係咁低B，停戰唔夠半年就開我波，條懵撚睇嚟無認真反省。」

    搞風搞雨，不如說地坼天崩。

    特別那缸逾一球價值的黑松盆景，熬過德川幕府統治，幸度二戰美軍原子核爆屹立不倒，立花餽贈中日友好，却終結在香港和平年代，同叫苦叫痛的爛仔埋堆橫躺，命數可謂唏噓。

    他的話裏有些捆綁她和陳天雄休戚與共的意思，阿羽眼閃星燭，分神稍縱而逝：「一單還一單，唔關佢嘅事，咪燒埋佢嗰叠。」

    太子昂挑劍眉：「你懶係巴之閉，想舐硬屎忽搏出位？」

    「係邊個犯賤搏出位先，你唔應該問我...戰神個朵係響嘅，不過就唔係好識教靚。」，她攥了把腰帶，隨之鳳眼露三白死盯太子背後：「陳志堅，啱先妖媽拆蟹鬧得咁大聲，而家就鳩縮唔諗住救你細佬嗱？企出嚟吖仆街！」

    仆街——

    暴吼雷貫眾耳，攢擁目光整齊劃一聚焦阿堅。

    喼帽陰影掩住神色，步履虛虛浮浮前進，白刃挑穿腦膜，歸結於本能在掘挖劈開仇敵十八碌的膽量。

    細佬要救，神檯要上，金毛強豬頭喇叭咀顏貌全毀，兄弟同一條老母腸子出，血脈連心呀。

    冤家宜解不宜結，是他親手縛死結。

    「93年華興會?釘放火燒旺角馬房，3死16傷，揾個學生哥孭鑊仲慳埋安家費，估唔到洪興堂堂大社都會做埋呢D陰濕嘢。」

    「你有冇聽過佢嘅下場？喺青衣留低手手腳腳，畀人斬到雞毛鴨血。」

    「枉你費盡心思起我福生老底，可惜我嗰哎吔老表蛇呱又口疏，戥你嗰三皮嘢使得唔抵。」

    ?

    瞞大佬報私仇，阿堅無可否認，他和胞弟自幼好燈不省油，狹隘入古惑有增無減，第二秩序的利益糾結錯綜複雜，總以為小開暗花唆使縱火，如是滄茫一粟微乎其微，洩憤尤為心安理得。

    誰知夯胸拍脯「包生仔」的道友不顧規矩犯爆涌大忌，想到